சுயலாபத்திற்காக ’விஸ்வாசம்’ கதையை வெளியிடுவதா..?? அஜித் ரசிகர்கள் கொதிப்பு..!!

’விஸ்வாசம்’ படத்திற்கு உள்ள எதிர்பார்ப்பை பயன்படுத்திக் கொள்ளும் இணையதளங்கள் பல, ’விஸ்வாசம்’ படக்கதை இதுதான் என வெளியிடும் தகவல்களில் எதுவும் உண்மையில்லை என அஜித் ரசிகர்கள் தெரிவித்துள்ளனர்.

’விவேகம்’ படத்தை தொடர்ந்து நடிகர் அஜித், இயக்குநர் ‘சிறுத்தை’ சிவா இயக்கத்தில் உருவாகியுள்ள படம் ‘விஸ்வாசம்’. அஜித்துடன் நயன்தாரா இணைந்து நடித்துள்ள இந்த படம் வரும் 10ம் தேதி திரைக்கு வருகிறது.

வழக்கம் போல அஜித்தன் படங்களுக்கு இருக்கும் அதே வரவேற்பு ‘விஸ்வாசத்திற்கும் உருவாகியுள்ளது. இதை பயன்படுத்திக் கொள்ளும் வலைதளங்கள் சில தங்களது தளத்திற்கு வாசகர்கள் வருகை அதிகரிக்க வேண்டும் என்பதற்காக ’விஸ்வாசம்’ படம் குறித்து உண்மைக்கு புறம்பான தகவல்களை இவை வெளியிட்டு வருகின்றன.

அதிலும் குறிப்பாக ‘விஸ்வாசம்’ படத்தின் கதை இதுதான் என்பது போல சில செய்திகள் பல்வேறு இணையதளங்களில் ஆக்கிரமித்துள்ளன. இதை படிக்கும் வாசகர்களின் எண்ணிக்கையை தொடர்ந்து அதிகரித்து வருகிறது.

இந்த செய்திகளால் அதிருப்தியில் உள்ள அஜித் ரசிகர்கள், ‘விஸ்வாசம்’ கதை இதுதான் என்று கூறும் தகவல்கள் எதுவும் உண்மையில்லை என்று தெரிவித்து வருகின்றனர். மேலும். விஸ்வாசம் கதை தொடர்பாக சில இணையதளங்கள் வெளியிடும் தகவல்கள் உண்மைக்கு புறம்பானவை எனவும் நெட்டிசன்கள் தெரிவித்து வருகின்றனர்.

இணையதளச் சந்தையில் விஸ்வாசம் குறித்து வெளிவரும் எந்த செய்தியும் வாசகர்கள் மற்றும் வலைதள பயன்பாட்டாளர்கள் மத்தியில் முதன்மை பெறுகிறது. இதன்மூலம் வருவாயை அதிகரிக்கவே வலைதளங்கள் பல இந்த நடவடிக்கைகளை மேற்கொள்கின்றனர். இதனால் விஸ்வாசம் படத்தில் வசூல் பாதிக்கக்கூடும் என அஜித் ரசிகர்கள் கவலை தெரிவிக்கின்றனர்.

ஏற்கனவே திரைத்துறைக்கு ‘தமிழ் ராக்கர்ஸ்’ அச்சுறுத்தலாகவுள்ள நிலையில், தற்போது அதிகாரப்பூர்வமாக இயங்கும் சில இணையதளங்கள் மேற்கொள்ளும் இதுபோன்ற நடவடிக்கைகளும் சினிமா துறைக்கு பிரச்னையாகி வருகின்றன. இதனால் இணையதளங்கள் பயன்பாட்டில் கட்டுபாடுகள் கடுமையாக்கப்பட வேண்டும் என திரையுலகினர் கோரிக்கை விடுத்து வருகின்றனர்.

Be the first to comment

Leave a Reply

Your email address will not be published.


*