டிடிவி தினகரன் தரப்பிற்கு பொதுச் சின்னம்- உச்சநீதிமன்றம் அதிரடி!

‘அதிமுக’ என்ற பெயர் மற்றும் ’இரட்டை இலை’ சின்னம் தொடர்பான வழக்கில், ஓபிஎஸ் – ஈபிஎஸ் தரப்பே உண்மையான அதிமுக, அவர்களுக்கே ’இரட்டை இலை’ சின்னம் ஒதுக்கப்படும் என்று தேர்தல் ஆணையம் உத்தரவிட்டது. இதனை எதிர்த்து அமமுக துணைப் பொதுச் செயலாளர் டிடிவி தினகரன் வழக்கு தொடர்ந்திருந்தார்.

ஆனால் தேர்தல் ஆணையம் பிறப்பித்த உத்தரவு செல்லும் என்று டெல்லி உயர்நீதிமன்றம் உத்தரவிட்டது. இதை எதிர்த்து உச்சநீதிமன்றத்தில் டிடிவி தினகரன் வழக்கு தொடர்ந்தார். இந்த வழக்கில் டெல்லி உயர்நீதிமன்ற தீர்ப்பிற்கு தடைவிதிக்க மறுத்துவிட்டது.

இதையடுத்து வரும் மக்களவை தேர்தலுக்காக அமமுகவிற்கு ஏற்கனவே ஒதுக்கப்பட்ட ‘குக்கர்’ சின்னம் ஒதுக்க தேர்தல் ஆணையத்திற்கு உத்தரவிட வேண்டும் என்று டிடிவி தினகரன் கோரிக்கை விடுத்திருந்தார். இதுதொடர்பாக பதிலளிக்க தேர்தல் ஆணையத்திற்கு உச்சநீதிமன்றம் உத்தரவிட்டது.

அதன்படி நேரில் ஆஜரான தேர்தல் ஆணையத்தின் துணை கமிஷனர் சுதீப் ஜெயின், அமமுக தேர்தல் ஆணையத்தில் பதிவு செய்யப்படாத கட்சி. எனவே அதற்கு நிரந்தர சின்னம் ஒதுக்க முடியாது என்று கூறினார். டிடிவி தினகரன் தரப்புக்கு தனி தனி சின்னம்தான் தர முடியும் என்று கூறினர்.

இந்நிலையில் ஒரே குழுவில் உள்ளோருக்கு வெவ்வேறு சின்னத்தை வழங்கினால், அவர்களது அரசியல் வாழ்வு கேள்விக்குறியாகி விடும் என்று உச்சநீதிமன்ற தலைமை நீதிபதி ரஞ்சன் கோகோய் தெரிவித்தார். இதற்கிடையில் குக்கரை போன்று பொதுவான சின்னத்தை அமமுக வேட்பாளர்களுக்கு ஒதுக்க ஓபிஎஸ், ஈபிஎஸ் தரப்பு எதிர்ப்பு தெரிவித்தது.

இதையடுத்து டிடிவி தினகரன் தரப்பிற்கு ‘குக்கர்’ சின்னம் ஒதுக்க உச்சநீதிமன்ற நீதிபதிகள் மறுப்பு தெரிவித்தனர்.

மேலும் மக்களவை தேர்தல் மற்றும் சட்டமன்ற இடைத்தேர்தலில் டிடிவி தரப்பிற்கு பொதுச் சின்னத்தை ஒதுக்க பரிசீலிக்க வேண்டும் என்று தேர்தல் ஆணையத்திற்கு உச்சநீதிமன்றத்திற்கு உத்தரவிட்டுள்ளது. சட்டத்தில் இடமில்லை என்று ஆணையம் கூறியபோதிலும் பரிசீலிக்குமாறு உச்சநீதிமன்றம் உத்தரவிட்டுள்ளது.

Be the first to comment

Leave a Reply

Your email address will not be published.


*