அமமுக விற்காக உயிரைக் கொடுத்து பணியாற்றுவேன் – கலா மாஸ்டர்

சினிமா நடன இயக்குநர் கலா, அமமுக துணை பொதுச் செயலாளர் டிடிவி தினகரன் முன்னிலையில் அக்கட்சியில் இணைந்தார்.

சினிமா துறையில் மிகவும் புகழ்பெற்ற நடன இயக்குநர் கலா. 30 வருடங்களாக சினிமா துறையில் இருந்தவர். திருமணத்திற்கு பிறகு சினிமா துறையிலிருந்து விலகி இருந்த கலா, தற்போது சின்னத்திறையில் நடன நிகழ்ச்சியை தொகுத்து வழங்கி வருகிறார். இவரை போலவே இவரது தங்கை பிருந்தாவும் பிரபலமான நடன இயக்குநர்.

இந்நிலையில், நடன இயக்குநர் கலா, அமமுக துணை பொதுச் செயலாளர் டிடிவி தினகரன் முன்னிலையில் அக்கட்சியில் இணைந்துள்ளார். பின்னர் பேசிய அவர், “மனசுக்கு ஒருவரைப் பிடிக்கவேண்டும். நான் ஆறு மாதமாக வேறொரு வேலையில் இருந்தேன். என் நண்பர்களுடன் கலந்தாலோசித்த போது தினகரனின் நேர்மையான பேச்சும், அவரின் துணிச்சலான செயல்பாடுகளுமே, தம்மை அமமுகவில் இணைய தூண்டியதாக விளக்கமளித்துள்ளார்.

மேலும் கட்சி தொடர்பாக எந்தப் பணியை கொடுத்தாலும் உயிரைக் கொடுத்து பணியாற்றதான் தயாராக இருப்பதாக நடன இயக்குநர் கலா உறுதியளித்தார். நான் 30 ஆண்டுகளாக சினிமா துறையில் இருக்கிறேன். எப்படி வேலை செய்வேன் என்று எல்லோருக்கும் தெரியும். அதனால் என்ன பணி என்றாலும் யோசிக்காமல் பணியாற்றுவேன்” எனத் தெரிவித்தார்.

Be the first to comment

Leave a Reply

Your email address will not be published.


*