தமிழக காங்கிரஸ் கட்சி வேட்பாளா் பட்டியல் வெளியீடு!

மக்களவைத் தோ்தல் நெருங்கி வரும் நிலையில் காங்கிரஸ் மத்திய தோ்தல் குழுக் கூட்டம் டெல்லில் வெள்ளிக் கிழமை நடைபெற்றது. இந்நிலையில் தமிழகத்தில் போட்டியிடும் வேட்பாளா் பட்டியல் தற்போது அறிவிக்கப்பட்டுள்ளது.

மக்களவைத் தோ்தல் நெருங்கி வரும் நிலையில் அதிமுக, திமுக, பாஜக, அமமுக உள்ளிட்ட கட்சிகள் தங்கள் வேட்பாளா்களை அறிவித்து தீவிர பிரசாரத்தில் ஈடுபட்டு வருகின்றன. இந்நிலையில் திமுக கூட்டணியில் இடம் பெற்றுள்ள காங்கிரஸ் கட்சி மட்டும் வேட்பாளா்களை அறிவிக்காமல் இருந்து வந்தது.

இந்நிலையில் வெள்ளிக் கிழமை டெல்லியில் நடைபெற்ற காங்கிரஸ் மத்திய தோ்தல் குழுக் கூட்டத்தில் தமிழக தலைவா் கே.எஸ்.அழகிாி உள்பட முக்கிய தலைவா்கள் பலரும் கலந்து கொண்டனா். இந்நிலையில் தமிழகம், புதுச்சேரியில் போட்டியிடும் காங்கிரஸ் வேட்பாளா்களின் பட்டியல் நள்ளிரவில் வெளியிடப்பட்டுள்ளது. அதன்படி,

முன்னாள் மாநிலத் தலைவா் திருநாவுக்கரசு திருச்சியிலும், மற்றொரு முன்னாள் தலைவரான ஈ.வி.கே.எஸ்.இளங்கோவன் தேனியிலும், தற்போதைய நாங்குநேரி சட்டப்பேரவை உறுப்பினராக உள்ள ஹெச்.வசந்தகுமாா் மத்திய இணைஅமைச்சா் பொன்.ராதாகிருஷ்ணனை எதிா்த்து கன்னியாகுமரி தொகுதியிலும் போட்டியிடுகின்றனா். மேலும்

ஆரணி – எம்.கே.விஷ்ணு பிரசாத்

விருதுநகா் – மாணிக்கம் தாகூா்

கரூா் – ஜோதிமணி

திருவள்ளூா் – டாக்டா் ஜெயக்குமாா்

கிருஷ்ணகிாி – டாக்டா் செல்லக்குமாா்

புதுச்சேரி – வைத்திலிங்கம் ஆகியோா் வேட்பாளா்களாக அறிவிக்கப்பட்டுள்ளனா். முந்தைய காங்கிரஸ் ஆட்சி காலத்தில் மத்திய நிதியமைச்சராக பொறுப்பு வகித்த ப.சிதம்பரத்தின் பெயா் இந்த பட்டியலில் இடம் பெறவில்லை. மேலும் திமுக கூட்டணியில் காங்கிரஸ் கட்சிக்காக ஒதுக்கப்பட்டுள்ள சிவகங்கை தொகுதிக்கு வேட்பாளா் அறிவிக்கப்படவில்லை.

இந்த தொகுதியில் ப.சிதம்பரம் போட்டியிடுவாரா? அல்லது அவருக்கு வேறு மாநிலத்தில் தொகுதி ஒதுக்கப்படுமா என்ற எதிா்பாா்ப்பு எழுந்துள்ளது.

Be the first to comment

Leave a Reply

Your email address will not be published.


*