இன்றைய கேள்வி

நீங்கள் விரும்பும் தமிழகத்தின் அடுத்த முதலமைச்சர் யார்?

ஈபிஎஸ் அணி எம்.எல்.ஏக்கள் டிடிவி தினகரனுடன் சந்திப்பு?

திருநெல்வேலி: எடப்பாடி பழனிசாமி அணி எம். எல். ஏக்கள் 4 பேர் டிடிவி தினகரனை சந்தித்திருப்பதாக தகவல்கள் வெளியாகியுள்ளன. அம்மா மக்கள் முன்னேற்ற கழகத்தின் துணை பொதுச்செயலாளரும், ஆர். கே. நகர் எம். எல். ஏவுமான டிடிவி தினகரன் மக்கள் சந்திப்பு நிகழ்ச்சியில் கலந்துகொள்வதற்காக நேற்று நெல்லை வந்தார். அவருக்கு அங்கு அம்மா மக்கள் கட்சியின் தொண்டர்கள் உற்சாக வரவேற்பளித்தனர்.

மேலும் நெல்லை மாவட்டத்தில் பல்வேறு பகுதிகளுக்கு சென்று டிடிவி தினகரன் பேசினார். தகுதிநீக்கம் செய்யப்பட்ட எம். எல். ஏக்களின் வழக்கு தீர்ப்பு இழுபறியில் இருப்பதால் மக்களிடையே தனக்கு இருக்கும் செல்வாக்கை அறிந்து கொள்வதற்காக தினகரன் இந்த பயணத்தை தொடங்கி ரிஉப்பதாக கூறப்படுகிறது. நேற்று நெல்லையில் பல்வேறு பகுதிகளில் பேசிய டிடிவி தினகரன் இரவு குற்றாலத்தில் தங்கினார்.

அவருடன் தகுதி நீக்கம் செய்யப்பட்ட எம். எல். ஏக்களில் 16 பேர் தங்கினர். எதிர்கால திட்டங்கள் குறித்தும், அரசியல் நிலவரங்கள் குறித்தும் அவர்களுடன் டிடிவி தினகரன் ஆலோசித்ததாக தெரிகிறது. இந்நிலையில். முதலமைச்சர் எடப்பாடி பழனிச்சாமி அணியில் உள்ள அ. தி. மு. க எம். எல். ஏக்கள் 4 பேர் டி. டி. வி. தினகரனை திடீர் என்று சந்தித்து பேசியதாக தகவல்கள் வெளியாகியுள்ளன.

எம். எல். ஏக்களை தினகரன் பக்கம் செல்லவிடக்கூடாது என எடப்பாடி பழனிசாமி தரப்பு எச்சரிக்கையாக இருக்கும் சூழலில் தற்போது 4 எம். எல். ஏக்கள் தினகரனை சந்தித்து பேசியிருப்பதாக வெளியாகி இருக்கும் தகவல்கள் பழனிசாமி தரப்பை கடும் அதிர்ச்சியடைய வைத்திருப்பதாக கூறப்படுகிறது.

Add a Comment

Your email address will not be published. Required fields are marked *

விடுகதை

ஆகாயதிற்கும் பூமிக்கும் ஒரே சங்கிலி , அது என்ன?