கருத்துகணிப்பு : அஇஅதிமுக வில் பலம் பெற்றுள்ளது யார்? நியூஸ் 7 க்கு போட்டி கருத்துக்கணிப்பு


விடுகதை : காட்டில் இருப்பான்; வீட்டிலும் மணப்பான், அவன் யார்?


தினகனின் ஆளுமை அம்மாவின் தொடர்ச்சி


நாங்கள் அம்மாவின் வழியில் கட்சியை நடத்துகிறோம் . தினகரனின் அரசியல் அம்மாவின் அரசியலை போல இல்லை என்கிறார்கள் அடிமை தரப்பு

திண்டுக்கல் இடைத்தேர்தல் சென்னையில் நடந்திருந்தால் அ தி மு க வெற்றி பெற்றிருக்குமா என்பது சந்தேகமே . கல்யாண சுந்தரம் போன்ற தலைவர்கள் . ராஜாஜி , ஈ வி கெ சம்பத் ஏன் கண்ணதாசனும் கூட வாத்தியாருக்கு பலம் சேர்ந்தனர் . அவர்கள் அறிவுரை அவருக்கு திராவிட முன்னேற்றக்கழகம் என்கிற பலம் பொருந்திய இயக்கத்தை எதிர்கொள்ள உறுதுணையாக இருந்தது . சித்தாந்த ரீதியில் மிக ஆழமான கருத்துக்களை கொண்ட தி மு க வை அன்றைய தினம் எதிர்கொள்வதற்கு இந்தத்தலைமைகளின் அறிவுரைகளும் ஆதரவும் பலமே .

அது போன்ற பெரிய ஆளுமைகளின் பலம் இல்லாத நிலையில் மூப்பனார் / வாழப்பாடி போன்றவர்களின் ஆதரவு அரைமனதுடன் இருந்த நிலையில் அம்மா என்கிற ஆளுமை தன்னை நிலைநாட்டிக்கொண்டதை வாத்தியார் செய்துருக்க முடியுமா என்றால் , அது சந்தேகமே . இரட்டை இலைக்கு ஆதரவளிக்காதீர்கள் என்று வாத்தியார் ஒரு தேர்தலின் பொழுது பிரச்சாரம் செய்தும் இரட்டை இலை வெற்றிபெற்ற வரலாறும் உண்டு . ஆனால் அம்மா சந்தித்த தேர்தல் பின்னணடைவுகளை போல வாத்தியார் சந்திக்கவில்லை என்பதையும் மறுப்பதற்கில்லை .

வாத்தியார் / இந்திரா காந்தி , வாத்தியார் / மொரார்ஜி தேசாய் , வாத்தியார் /சரண் சிங் , வாத்தியார் / ராஜிவ் காந்தி என்று மத்திய மாநில உறவுகளின் அரசியலையும் … அம்மா / நரசிம்ம ராவ் , அம்மா / வாஜ்பாய் , அம்மா / மன்மோகன் சிங் , அம்மா / நரேந்திர மோடி மத்திய மாநில உறவுகளின் அரசியலையும் பார்த்தல் , வாத்தியாரை காட்டிலும் அம்மாவின் ஆளுமை ராஜதந்திரம் என்றில்லாமல் தனது ஆளுமையை தனிப்பட்ட இமேஜின் வெளிப்பாடாக எடுத்துச் சென்றதை கவனிக்க முடியும் .

இதை எதற்காகச் சொல்கிறேன் என்றால் , தற்பொழுது மூன்றாவது அத்தியாயமாக வந்திருக்கும் தினகரனின் ஆளுமையும் வேறு ஒரு டிராக்கில் பயணிக்கத்துவங்கியுள்ளது என்பதை கவனிப்பதால் தான் . தினகரன் அம்மாவின் வாரிசு கிடையாது , தினகரன் ஆளுமையின் தொடர்ச்சி . வாத்தியாரின் வாரிசு அம்மா கிடையாது . ஆளுமையின் தொடர்ச்சி தான் அம்மா . ஒரு தலைமையின் சிறப்பு பிந்தைய தலைமையின் தொடர்ச்சியாக தன்னைக்காட்டிக்கொள்ளும் அதே சமயத்தில் அந்தத்தலைமையிலிருந்து தன்னை வேறுபடுத்திக்காட்டிக்கொள்வதில் தான் உள்ளது . வாத்தியார் நாமம் வாழ்க என்று அம்மா சொன்னாலும் , ஜெ ஜெயலலிதா என்னும் நான் என்று தன்னை நிலைநாட்டிக்கொள்ளத்தான் செய்வார் , அதுவே இயற்கையின் நியதி .

அது வாத்தியாரை மழுங்கடிக்கச் செய்வதாக பொருள் படுத்திக்கொள்ள வேண்டிய அவசியமில்லை . ஆளுமை தன்னை நிலைநாட்டிக்கொள்ள தன்னை பிந்தைய தலைமையிலிருந்து பிரித்து காண்பிக்கவேண்டிய அவசியத்தின் வெளிப்பாடு . வெற்றி என்பது தான் பிந்தைய தலைமைக்கு தற்பொழுதைய தலைமை கொடுக்கக்கூடிய மிகப்பெரிய பரிசு . கழகத்தை அடமானம் வைக்காததை விட பெரிய சேவையை வாத்தியாருக்கு , அம்மாவுக்கும் செய்து விட முடியுமா ?

ஆர் கெ நகரில் அம்மாவால் கூட தி மு க வின் டெப்பாசிட்டை காலி செய்ய முடியவில்லை ஆனால் தினகரன் செய்தார் என்பதில் அம்மாவுக்குத்தான் பெருமை . வாத்தியாரை விட அதிக ஆண்டுகள் அம்மா ஆட்சி புரிந்தார் என்பதில் வாத்தியாருக்த் தான் பெருமை . இந்த பின்னணியில் தான் தினகரனின் அப்ரோச் பார்க்கப்படவேண்டும் . கனிமொழி வழக்கிலிருந்து விடுதலையானதற்கு வாழ்த்து தெரிவித்ததாக இருக்கட்டும் . பத்திரிக்கையாளர்களிடம் இணக்கமாக நடந்துகொள்வதாக இருக்கட்டும் , சட்டப்பேரவையில் தி மு க எம் எல் எங்களுக்கு மரியாதை கொடுப்பதாக இருக்கட்டும் . தினகரன் தன்னை அம்மாவிடமிருந்து வேறுபடுத்திக்காண்பிக்க நகர்த்தும் காய்களே . அது முற்றிலும் சரியே . நமக்குத்தேவை வாத்தியார் அம்மா வுக்கு அடுத்த இன்னொரு ஆளுமை … தனித்துவம் கொண்டிருந்தால் தான் அது சாத்தியம் . அம்மாவின் ஆசிபடி என்று சொல்லிக்கொண்டிருப்பது பெரிய விஷயமல்ல . அம்மாவுக்கு பின்னர் இயக்கத்தை வழிநடத்துவது தான் ஆளுமை . ஆட்சி அதிகாரம் நிரந்தரமல்ல , ஆளுமை தான் நிரந்தரம் .

By
Kishore K Swamy

Add a Comment

Your email address will not be published. Required fields are marked *