கருத்துகணிப்பு : பிக்பாஸ் 2 இந்த வாரம் யாரை காப்பாற்ற விரும்புகிறீர்கள்?


விடுகதை : அடிக்காத பிள்ளை அலறித் துடிக்குது ?


குடி போதையில் பெண் பயணியை கடத்த முயன்ற “ஓலா” ஓட்டுநர்

பெங்களூரு: பெங்களூரில் பெண் பயணியை குடிபோதையில் கடத்திச் செல்ல முயன்ற ஓலா கால் டாக்சி ஓட்டுநர் கைது செய்யப்பட்டார். இந்தியாவில் கால் டாக்சி ஓட்டுநர்கள் குடிபோதையிலும், வக்கிர புத்தியிலும் தனியாக வரும் பெண் பயணிகளிடம் அத்துமீறி நடப்பதும், அவர்களை கடத்த முயல்வதும் தொடர்கதையாகி வருகிறது.

அந்த வகையில் பெங்களூரில் தனியார் நிறுவன ஊழியரான பெண் ஒருவர், புதன்கிழமை இரவு பனஸ்வாடி பகுதியிலிருந்து விமான நிலையத்துக்கு ஓலா கால் டாக்சியை முன்பதிவு செய்துள்ளார். இரவு 11 மணிக்கு மேல் கால் டாக்சி புறப்பட்டு சென்று கொண்டிருந்தபோது, விமான நிலையத்துக்கு செல்லாமல் வேறு வழியில் செல்வதை அந்தப் பெண் கண்டுபிடித்தார். இதனையடுத்து அந்த பெண் காரை நிறுத்துமாறு ஓட்டுநரிடம் கூறி இருக்கிறார்.

ஆனால் அதனை சட்டை செய்யாமல் குடிபோதையிலிருந்த ஓட்டுநர் காரை இன்னும் வேகமாக ஓட்டியுள்ளார். தொடர்ந்து சுங்கச்சாவடியை கார் அடைந்தபோது, அந்தப் பெண் கூச்சலிட்டு உதவி கோரியுள்ளார்.  பெண்ணின் கூச்சலை கேட்ட  பிற வாகன ஓட்டிகளும், சுங்கச்சாவடி ஊழியர்களும் காரை தடுத்து நிறுத்தி பெண்ணை மீட்டனர். ஓட்டுநரை காரில் இருந்து இறக்கி சிக்கஜலா காவல்துறையினரிடம் ஒப்படைத்தனர்.

அவரிடம் காவல்துறையினர் நடத்திய விசாரணையில் அவர் ஆந்திராவை சேர்ந்தவர் என்பதும் அவர் பெயர் சுரேஷ் என்பதும் குடிபோதையில் இருந்த சுரேஷ் பெண்ணை கடத்த முயன்றதும் தெரியவந்தது. இதனையடுத்து அவரை காவல்துறையினர் கைது செய்தனர்.

Add a Comment

Your email address will not be published. Required fields are marked *