தமிழ் செய்திகள்


முகப்பு கருத்துக்கணிப்புகள் ராசிபலன்கள் சினிமா நடிகைகள் அரசியல் செய்திகள் டிடிவி தினகரன்

தமிழகத்துக்கு காவிரியில் வினாடிக்கு 2 லட்சம் கன அடி வீதம் தண்ணீர் திறந்து விடப்பட்டிருக்கிறது.

By Admin - August 17th, 2018

Tags : Category : Tamil News,

கேரளத்தையொட்டியுள்ள கர்நாடகப் பகுதிகளில் கொட்டும் மழை காரணமாக அங்கு காவிரியின் குறுக்கே கட்டப்பட்டுள்ள அணைகள் நிரம்பி வழிவதால் தமிழகத்துக்கு காவிரியில் வினாடிக்கு 2 லட்சம் கன அடி வீதம் தண்ணீர் திறந்து விடப்பட்டிருக்கிறது.

இதனால் தருமபுரி, சேலம், ஈரோடு, நாமக்கல், கரூர், திருச்சி, தஞ்சாவூர், நாகப்பட்டினம், திருவாரூர், மற்றும் கடலூர் மாவட்டத்தின் சில பகுதிகளுக்கு வெள்ள அபாய எச்சரிக்கை விடப்பட்டிருக்கிறது.

காவிரியின் துணை ஆறுகளில் வினாடிக்கு 50 ஆயிரம் கன அடிக்கும் கூடுதலாக திறந்து விடப்படுவதன் காரணமாக ஈரோடு, நாமக்கல் ஆகிய மாவட்டங்களின் பல கிராமங்களுக்குள் தண்ணீர் புகுந்துள்ளது.

கன்னியாகுமரி, நெல்லை மாவட்டங்களில் தொடர்ந்து பெய்து வரும் மழையால் பல இடங்களில் குடிசைகளும், பயிர்களும் மூழ்கி மிகக்கடுமையான பாதிப்புகள் ஏற்பட்டிருக்கின்றன.

இரு மாவட்டங்களிலும் 200&க்கும் மேற்பட்ட கிராமங்களை வெள்ளம் சூழ்ந்துள்ளன. வெள்ளத்தால் சூழப்பப்ப பகுதிகளைச் சேர்ந்த பொதுமக்கள் அங்கிருந்து வெளியேற முடியாமல் தவித்து வருகின்றனர்.

இந்த நிலையில் தமிழகத்தின் ‘தட்சண் கங்கோத்ரி’ என்று அழைக்கப்படும் ஈரோடு மாவட்டம் கூடுதுறை பகுதி இன்றைக்கு தீவு போல காட்சியளித்து வருகிறது.

பாவனி நாகரத்தின் இருபுறமும் பவானி ஆறும், காவிரி ஆறும் பாய்வதால், நடுவில் சிக்கியுள்ள மக்கள் வெளியேற முடியாமல் தவித்து வருகின்றனர்.

எங்கு செல்லவேண்டுமென்றாலும், ஒரு காவிரி பாலத்தையோ, அல்லது பவானி ஆற்றின் பாலத்தையோ கடந்து தான் மற்ற பகுதிகளுக்கு சென்றாக வேண்டும்.

இரு ஆற்றிலும் வெள்ளப்பெருக்கு ஏற்ப்பட்டுள்ளதால், பாலத்தின் மீது போக்குவரத்து முற்றிலுமாக தடை செய்யப்பட்டுள்ளது. இதனால் மக்கள் தீவில் இருப்பது போன்ற சூழ்நிலையை எதிர்கொண்டு வருகின்றனர்.

அவசர தேவைக்கு ஈரோடு செல்ல வேண்டி இருந்தால் கூட, போக முடியாத இக்கட்டான நிலைக்கு தள்ளப்பட்டுள்ளனர்.

இன்னும் நீர் வரத்து இன்று மாலைக்குள் அதிகரிக்கும் என்று கூறப்படுகிறது. இதனால் ஆற்று நீர் மெயின் ரோட்டை தொட்டு விடும் என மக்கள் அஞ்சி வருகின்றனர்.

நேற்று காலையிலேயே நகராட்சி பள்ளிக்கு உள்ளே நீர் புகுந்துவிட்டது. இன்றைக்கு என்ன நிகழப்போகிறதோ என்ற பீதியில் மொத்த நகரமும் பரபரப்புடன் இயங்கி வருகிறது.




அண்மை செய்திகள்

தேர்தல் பறக்கும் படையினர் அதிரடி ! நேற்று வரை ரூ.29.84 கோடி பறிமுதல்

விவசாயத்தை பாதிக்கும் திட்டங்களுக்கு தமிழகத்தில் அனுமதி இல்லை : டிடிவி தினகரன்

திமுக அதிமுக தேர்தல் அறிக்கையைவிட சிறப்பான தேர்தல் அறிக்கை வெளியிட்ட டிடிவி தினகரன்!


அமமுக விற்காக உயிரைக் கொடுத்து பணியாற்றுவேன் - கலா மாஸ்டர்

மதுரை தேர்தல் தேதி மாற்றமில்லை: வழக்குகளைத் தள்ளுபடி செய்தது உயர்நீதிமன்றம்

மக்களவை-பேரவை இடைத்தேர்தல் பிரசாரம்: நட்சத்திர பேச்சாளர்கள் பட்டியல் வெளியீடு

கன்னடத்தில் ரீமேக் செய்யப்படும் பரியேறும் பெருமாள்: ஹீரோ யார் தெரியுமோ?

கன்னடத்தில் ரீமேக் செய்யப்படும் பரியேறும் பெருமாள்: ஹீரோ யார் தெரியுமோ?

தமிழக காங்கிரஸ் கட்சி வேட்பாளா் பட்டியல் வெளியீடு!

தங்க தமிழ்செல்வன் வேட்புமனுவை நிராகரிக்க ஓபிஸ் - தேர்தல் ஆணையம் கூட்டுசதி!

கருத்துக்கணிப்பு

தருமபுரி மக்களவை தொகுதி : உங்கள் வாக்கு யாருக்கு?
ராமநாதபுரம் நாடாளுமன்ற தொகுதி : உங்கள் வாக்கு யாருக்கு?
கன்னியாகுமாரி மக்களவை தொகுதி : உங்கள் வாக்கு யாருக்கு?