தாம்பரத்தில் சர்கார் ஆடியோ வெளியீட்டு விழா!

தளபதி விஜய் நடிப்பில் உருவாகியுள்ள சர்கார் படத்தின் இசை வெளியீட்டு விழா தாம்பரத்தில் நடக்கயிருப்பதாக தகவல் வெளியாகியுள்ளது.

கத்தி மற்றும் துப்பாக்கி ஆகிய படங்களைத் தொடர்ந்து 3வது முறையாக தளபதி விஜய் ஏ.ஆர்.முருகதாஸ் இயக்கத்தில் சர்கார் படத்தில் நடித்துள்ளார். இப்படத்தில் இவருக்கு ஜோடியாக கீர்த்தி சுரேஷ் நடித்துள்ளார். இவர்களுடன் இணைந்து ராதாரவி, பழ.கருப்பையா, யோகி பாபு, வரலட்சுமி சரத்குமார் ஆகியோர் பலர் நடித்துள்ளனர்.

#Simtaangaran touches 6 million views in real time on Youtube, in just 24 hours! Watch the super hit song here :… https://t.co/qCmmOLOWkr— Sun Pictures (@sunpictures) 1537878606000
வரும் தீபாவளி பண்டிக்கைக்கு வெளியாகும் என்று ஏற்கனவே அறிவிக்கப்பட்டுள்ள நிலையில், வரும் அக்டோபர் 2ம் தேதி காந்தி ஜெயந்தியை முன்னிட்டு இப்படத்தின் இசை வெளியீட்டு விழா மிக பிரமாண்ட வகையில் நடக்கயிருக்கிறது. ஆனால், அது எங்கு நடக்கயிருக்கிறது என்று இதுவரை தெரியாமல் இருந்த நிலையில், தற்போது தாம்பரத்தில் உள்ள சாய் ராம் பொறியியல் கல்லூரியில் நடக்கயிருப்பதாக தகவல் வெளியாகியுள்ளது.

A tremendous 5 million views for #Simtaangaran in real time on YouTube, in just 17 hours! Watch it here:… https://t.co/NiNWef8UJq— Sun Pictures (@sunpictures) 1537856807000
ஆனால், இது குறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. மேலும், இசை வெளியீட்டு விழாவில் யாரெல்லாம் கலந்து கொள்வார்கள் என்ற அறிவிப்பும் வெளியாகும் என்று கூறப்படுகிறது.

இதற்கிடையில், இப்படத்தில் இடம்பெற்றுள்ள சிம்டாங்காரன் என்ற பாடலின் முதல் சிங்கிள் டிராக்கை சன் பிக்சர்ஸ் நிறுவனம் நேற்று வெளியிட்டது. கிட்டத்தட்ட 4 நிமிடம் ஓடக்கூடிய இந்த சிங்கிள் டிராக் ரசிகர்களிடையே நல்ல வரவேற்பைப் பெற்றுள்ளது. மேலும், வெளியானது முதல் தொடர்ந்து பல சாதனைகளை படைத்து வருகிறது என்பது குறிப்பிடத்தக்கது. ஆனால், மெர்சல் படத்தில் இடம்பெற்றிருந்த ஆளப்போறான் தமிழன் பாடலைப் போன்று இப்பாடல் இல்லை என்று பலரும் கர்த்து தெரிவித்து வருகின்றனர்.

The real time views for #Simtaangaran on YouTube is a whopping 3.1 million views in 4.5 hours! https://t.co/7FndT8goa4— Sun Pictures (@sunpictures) 1537808992000
இதற்கிடையில், சிம்டாங்காரன் என்றால் என்ன? என்பது பற்றி பலரும் கேள்வி எழுப்பியிருந்தனர். அதற்குரிய விளக்கத்தை பாடலாசிரியர் விவேக் இன்று வெளியிட்டுள்ளார். சிம்டாங்காரன் என்றால், கவர்ந்து இழுப்பவன் / பயமற்றவன் / துடுக்கானவன் என்று அர்த்தம். மேலும், கண் சிமிட்டாம சிலர பார்க்க தோனுமே.. அந்த ஒருவன் தான் நம் சிம்டாங்காரன் என்று அவர் குறிப்பிட்டுள்ளார் என்பது குறிப்பிடத்தக்கது.

நாள்தோறும் சர்கார் படத்தின் அறிவிப்பு ஒன்றை சன் பிக்சர்ஸ் நிறுவனம் வெளியிட்டு வருகிறது என்பது குறிப்பிடத்தக்கது. இதில், இன்று சிங்கிள் டிராக் வெளியாகும். இதையடுத்து தொடர்ந்து சர்கார் படத்தின் இசை வெளியீட்டு விழா குறித்த அறிவிப்பை வெளியிட்டுக்கொண்டிருக்கும் என்று எதிர்பார்க்கப்படுகிறது.

Leave a Reply

Your email address will not be published. Required fields are marked *