அது என்னுடைய குரல் அல்ல: ஆடியோ குறித்து அமைச்சர் விளக்கம்

சமூக வலைதளங்களில் வெளியான ஆடியோ தன்னுடையது அல்ல என்று விளக்கம் கொடுத்துள்ளார்.

உலகம் முழுவதும் வைரலாக பேசப்படுவது மீ டூ விவகாரம் தான். இதுவரை கோலிவுட், டோலிவுட், பாலிவுட் என்று சுற்றிய மீ டூ விவகாரம் தற்போது தமிழ்நாடு மீன்வளத்துறை அமைச்சர் ஒருவரையும் குறி வைத்துள்ளது.

சென்னை ராயபுரத்தைச் சேர்ந்தவர் இளம் பெண் கவிதா (பெயர் மாற்றம்). இவர், தனது தாயுடன் ஒரு சிபாரிசு வேண்டி பிரபலமாக இருக்கும் அந்த அமைச்சரை சந்திக்க சென்றுள்ளார். அப்போது, அந்த அமைச்சரோ, கவிதாவுடன் தொடர்பு ஏற்படுத்திக் கொண்டதாக கூறப்படுகிறது. இந்த தொடர்பால் வந்த விபரீதமாக கடந்த ஆகஸ்ட் 9ம் தேதி கவிதாவுக்கு வட சென்னை வண்ணாரப்பேட்டையில் உள்ள மருத்துவமனை ஒன்றில் ஆண் குழந்தை ஒன்று பிறந்துள்ளது.

மீ டூ சர்ச்சையில் தமிழ்நாடு அமைச்சர்: ஆடியோவால் வந்த புதிய சிக்கல்?

இதையடுத்து, குழந்தையின் பிறப்பை பதிவு செய்ய மாநகராட்சி அலுவலகத்திற்கு கவிதா சென்றுள்ளார். அங்கு குழந்தையின் தந்தை பெயர் என்ன என்று அதிகாரிகள் கேட்க, அதற்கு அந்த அமைச்சரது பெயரே ஆவணங்களில் பதிவு செய்யப்பட்டுள்ளது. அப்போது பதிவு செய்யப்பட்ட அந்த ஆவணங்கள் சமூக வலைதளங்களில் பரவியுள்ளதாக கூறப்படுகிறது. இந்தன் காரணமாக, இந்த விவகாரம் தற்போது புதிய சர்ச்சையை ஏற்படுத்தியுள்ளது.

இந்த ஆவணத்தோடு இந்த விவகாரம் முடியவில்லை. அமைச்சருக்கு ஆடியோ மூலமாகவும் புதிய ஆப்பு ஒன்றும் வந்துள்ளது. அதாவது, கவிதாவின் தாயுடன் அமைச்சர் உடையாடுவது போன்ற அந்த ஆடியோ உள்ளது. ஆனால், அதில், தமிழக அமைச்சர் என்றோ, ஜெயக்குமார் என்றோ குறிப்பிடவில்லை. இதுவும், தற்போது சமூக வலைதளங்களில் வைரலாகி வருகிறது.

Jaya TV telecasts a sensational leaked phone conversation between TN Minister Jayakumar & an unidentified woman. Wh… https://t.co/YI0MDc4Nww— Shabbir Ahmed (@Ahmedshabbir20) 1540185018000
தற்போது இந்த சர்ச்சை ஆடியோ குறித்து அமைச்சர் ஜெயக்குமார் விளக்கம் கொடுத்துள்ளார். இது குறித்து அவர் கூறுகையில், அந்தக் கும்பல் என்னை எதிர்ப்பதற்காக என் மீது அரசியல் காழ்ப்புணர்ச்சியோடு ஒரு ஹோட்டலில், நான் யாரோ ஒருவருடன் இருப்பது போன்று மார்பிங் செய்து அதனை சமூக வலைதளங்களில் வெளியிட்டுள்ளனர். இதையடுத்து சைபர் கிரைம் போலீசில் புகார் அளித்து, அப்படி செய்தவர்கள் 3 பேரை கைது செய்து சிறையில் அடைத்தோம்.

Viral audio of man forcing woman to abort: TN minister Jayakumar denies it’s his voice https://t.co/MFoknvIKGx— Dhanya Rajendran (@dhanyarajendran) 1540220412000
இதற்கு பின்னணியில் இருந்து செயல்பட்டவர்கள் மீது சட்டப்படி நடவடிக்கை எடுக்கப்படும். பிறப்புச் சான்றிதழ் ஆவணத்தில் இருக்கும் டி.ஜெயக்குமார் இந்த உலகத்தில் நான் ஒருவன் தானா? இது போன்ற அனைத்து பரிசோதனைகளுக்கும் நான் தயாராகவே இருக்கிறேன் என்று அவர் குறிப்பிட்டுள்ளார் என்பது குறிப்பிடத்தக்கது.

Leave a Reply

Your email address will not be published. Required fields are marked *