முகப்பு கருத்துக்கணிப்பு ராசிபலன்கள் சினிமா

பாலியல் குற்றச்சாட்டுகள் நியாயமானவையாக இருக்க வேண்டும்: கமல்ஹாசன்

Tags : Chinmayi, Kamal Haasan, Makkal Needhi Maiam, MeToo, MeToo Kamal Haasan, Vairamuthu, Category : TAMIL NEWS,

சென்னை: #MeToo என்று பெண்கள் பதிவிடும் பாலியல் குற்றச்சாட்டுகள் நியாயமானவையாக இருக்க வேண்டும் என மக்கள் நீதி மய்யம் கட்சியின் தலைவர் கமல்ஹாசன் தெரிவித்துள்ளார்.

#MeToo:
உலகம் முழுவதும் உள்ள பெண்கள் தங்களுக்கு ஏற்பட்டுள்ள பாலியல் துன்புறுத்தல்கள் மற்றும் தொல்லைகள் பற்றி #MeToo என்ற ஹேஸ்டேக்கில் ட்விட்டரில் பதிவிட்டு வருகின்றனர். இந்தியாவிலும் இந்தக் குற்றச்சாட்டுகள் சமீப காலமாக பெருகி உள்ளன.

பாலிவுட் நடிகையான தானுஸ்ரீ தத்தா பிரபல நடிகரான நானா பட்நேகர், தன்னை பாலியல் ரீதியாக துன்புறுத்தியதாக குற்றம் சுமத்தினார். அவரைத் தொடர்ந்து, கங்கனா ரனாவத் உள்ளிட்ட முன்னணி நடிகைகளும் அவருக்கு ஆதரவாக, தங்களுக்கு ஏற்பட்ட பாலியல் தொல்லைகள் பற்றி விவரித்தனர்.

அதேபோல், பிரபல பின்னணி பாடகியான சின்மயி, தமிழ் சினிமாவின் மூத்த பாடலாசிரியரான வைரமுத்து மீது பாலியல் புகார்களை சுமத்தினார்.

சம்பந்தப்பட்டவர்கள் பதிலளிக்க வேண்டும்:
இந்நிலையில், நடிகரும் மக்கள் நீதி மய்யம் கட்சியின் தலைவருமான கமல்ஹாசன், சென்னை விமான நிலையத்தில் செய்தியாளர்களிடம் பேட்டியளித்தார். அப்போது அவரிடம் MeToo பற்றி கேட்கப்பட்டது. அதற்குப் பதிலளித்த அவர், “MeTooவின் கீழ் பாலியல் குற்றச்சாட்டுகள் நியாயமானவையாக இருக்க வேண்டும். இந்த விவாகரத்தில் குற்றம்சாட்டப்பட்டவர்கள் தான் பதிலளிக்க வேண்டும்,” என தெரிவித்தார்.

மழைக்காக இடைத்தேர்தலை தள்ளி வைப்பதா?:
மழைக் காரணமாக இடைத்தேர்தல் தள்ளி வைக்கப்பட்டது பற்றி பதிலளித்த அவர், “சிறு நாடகங்கள் செய்பவர்கள்,அடைமழையில் கூட தங்கள் பணிகளைத் தொடரும்போது, மழையைக் காரணம் காட்டி தேர்தலை தள்ளி வைக்கலாமா?” என கேள்வி எழுப்பினார். மேலும், மத்திய அமைச்சர் நிதின் கட்கரி, வாக்குறுதிகள் நிறைவேற்றப்படவில்லை என தெரிவித்தது பற்றி பதிலளித்த கமல்ஹாசன், “உண்மை பேசும் ஒரு சில அரசியல்வாதிகள் இருக்கத்தான் செய்கிறார்கள்” என தெரிவித்தார்.

கோவிலில் உள்ளவர் உதவியுடன்தான் சிலை கடத்தப்பட்டது:
இதைத் தொடர்ந்து, கோவில் சிலைகள் கடத்தப்படுவது தொடர்பாக பதிலளித்த அவர், “கோவில் சிலைகளை நாங்கள் உதவி செய்கிறோம் என்று சொன்னபோது வேண்டாம் என்றார்கள். கோவிலில் உள்ளவர்களின் உதவி இல்லாமல் கோவில் சிலைகள் எப்படி கடத்தப்பட்டிருக்கும்”, என அவர் தெரிவித்தார்.


Share :

பாமக அதிமுக பிஜேபி கூட்டணி ? மெகா கருத்துக்கணிப்பு
பாமக யாருடன் கூட்டணி வைக்க தொண்டர்கள் விரும்புகிறார்கள்?
பாராளுமன்ற தேர்தலில் உங்கள் ஆதரவு யாருக்கு...?

Related Posts