கமல்ஹாசன் இன்னும் களத்தூர் கண்ணாம்மா குழந்தை தான்: ஜெயக்குமார் தாக்கு!

கஜா புயல் பாதித்த இடங்களில், மீட்பு பணிகளை மேற்கொள்ள தமிழக அரசு பணியாளர்கள் முடுக்கி விட்டுள்ளது. மேலும் புயல் பாதிப்பு மீட்பு பணிகளுக்கு ரூ. 1000 கோடி வழங்கி தமிழக அரசு உத்தரவிட்டுள்ளது.

டெல்லி சென்ற முதலமைச்சர் எடப்பாடி பழனிசாமி, பிரதமர் மோடியை சந்தித்து புயல் பாதிப்பு நிவாரண நிதியாக ரூ.15,000 கோடி கோரினார். அதை தொடர்ந்து தமிழகம் வந்த மத்திய குழுவினர், புயல் பாதித்த் இடங்களில் ஆய்வு செய்து வருகின்றனர்.

முன்னதாக புயல் பாதித்த இடங்களை ஹெலிகாப்டரில் சென்று முதல்வர் பார்வையிட்டார். இது மிகப்பெரிய சர்ச்சையை கிளப்பியது. மக்களோடு மக்களாக நின்று பார்த்தால் சோகம் புரியும் என்று கமல் இதற்கு விமர்சனம் தெரிவித்தார்.

இந்நிலையில், சென்னை எழும்பூரில் அதிமுக சார்பில் கஜா புயல் நிவாரண பொருட்கள் அனுப்பும் நிகழ்ச்சியில் கலந்து கொண்ட அமைச்சர் ஜெயக்குமார், மக்கள் நீதி மய்யம் கட்சி தலைவர் கமல்ஹாசன் ஒரு குழந்தை, ஏரியல் சர்வே காலம் காலமாக நடக்கும் ஒன்று தான். வான் வழியாக பார்ப்பதை விமர்சிப்பது குழந்தை தனமானது. கமல் இன்னும் களத்தூர் கண்ணம்மா நிலையிலேயே இருக்கிறார் என்றார்.

Leave a Reply

Your email address will not be published. Required fields are marked *