2018ல் 7 படங்களில் நடித்து விஜய் சேதுபதி முதலிடம்!

2018ம் ஆண்டு அதிக படங்களில் நடித்து நடிகர் விஜய் சேதுபதி முதலிடம் பிடித்துள்ளார்.

தமிழ் சினிமாவில் சூப்பர்ஸ்டார் ரஜினியால் மகா நடிகன் என்று அழைக்கப்பட்டவர் விஜய் சேதுபதி. தொடர்ந்து நல்ல வித்தியாசமான கதாபாத்திரங்களில் நடித்து வருகிறார். தமிழ் சினிமாவில் முன்னணி ஹீரோக்களில் ஒருவராக இருக்கிறார். ஒவ்வொரு ஆண்டும் குறைந்தது 5க்கும் அதிகமான படங்களில் நடித்து ஹிட் கொடுத்து வருகிறார். அந்த வகையில், கடந்தாண்டு கவண், விக்ரம் வேதா, புரியாத புதிர், கதாநாயகன் மற்றும் கருப்பன் ஆகிய படங்களில் நடித்து அதில், விக்ரம் வேதா படத்தை ஹிட்டாக்கியிருந்தார்.

அதே போன்று, இந்தாண்டு ஒரு நல்ல நாள் பாத்து சொல்றேன், டிராபிக் ராமசாமி (சிறப்பு தோற்றம்), ஜுங்கா, இமைக்கா நொடிகள், செக்க சிவந்த வானம், 96 மற்றும் சீதக்காதி ஆகிய படங்களில் நடித்திருந்தார். இதில், இமைக்கா நொடிகள், செக்க சிவந்த வானம், 96 ஆகிய படங்கள் ரசிகர்களிடையே நல்ல வரவேற்பைப் பெற்றுள்ளன. அதோடு, இந்த படங்கள் ஹிட் படங்களாகவும் அமைந்துள்ளது. இந்த நிலையில், இந்த ஆண்டில் அதிக படங்களில் நடித்து ஹீரோக்களின் பட்டியலில் விஜய் சேதுபதி முதலிடம் பிடித்துள்ளார்.

இதே போன்று தான், அடுத்தாண்டும். இவரது நடிப்பில் உருவாகியுள்ள பேட்ட, சூப்பர் டீலக்ஸ், கடைசி விவசாயி, சாயிராம் நரசிம்ஹா ரெட்டி, மாமனிதன், இடம் பொருள் ஏவல் மற்றும் பெயரிடப்படாத மற்றொரு படம் என்று 7 படங்கள் வெளியாகவுள்ளது என்பது குறிப்பிடத்தக்கது.


Leave A Comment

Your email address will not be published. Required fields are marked *