கஜா புயலுக்கு மத்திய அரசு ஒரு பைசா கூட இதுவரை தரவில்லை – அமைச்சர் ஆர்.பி.உதயகுமார்!

மதுரை திருமங்கலம் சட்டமன்ற தொகுதிக்கு உட்பட்ட 4 அரசு மற்றும் அரசு உதவிபெறும் பள்ளிகளில் 2,314 மாணவ மாணவிகளுக்கு ரூ.1 கோடி மதிப்பிலான இலவச மிதிவண்டிகளை தமிழக வருவாய் மற்றும் பேரிடர் மேலாண்மைத் துறை அமைச்சர் ஆர் பி உதயகுமார் வழங்கினார்.

இதையடுத்து செய்தியாளர்களிடம் பேசிய அவர், தமிழக உரிமையை ஒருபோதும் தமிழக முதலமைச்சர் விட்டுக் கொடுக்க மாட்டார். மேகதாது விவகாரத்தைப் பொறுத்தவரையில், அவர்கள் கொடுக்கிற அறிக்கைகள் எல்லாம் அரசியல் காரணங்களுக்காக மட்டுமே தான் இருக்கும்.

வேறு எந்தவித நோக்கமும் இருக்காது. இந்திய அரசியலமைப்புச் சட்டமும் நம் பக்கம் இருக்கிறது. மேகதாது விவகாரத்தில் தமிழகத்தின் உரிமையை மீட்டெடுக்கும் வகையில் தமிழக முதலமைச்சர் சிறப்பாக செயல்பட்டு வருகிறார்.

கஜா புயல் மிகப்பெரிய சேதாரத்தை ஏற்பட்டுள்ளது. 12 மாவட்டங்கள் பாதிக்கப்பட்டுள்ளன. குறிப்பாக நான்கு மாவட்டங்கள் மிக அதிகமாக பாதிக்கப்பட்டுள்ளன. முதலமைச்சர் காலையில் கோரிக்கை வைத்தார். பிற்பகல் 3 மணி அளவில் மத்திய குழு ஆய்விற்கு வந்தார்கள். சுவடு மறைவதற்குள் மத்திய குழு வந்தது இதுதான் முதல் முறை.

இதுவரை நாம் கேட்ட நிவாரணத் தொகையை மத்தியக் குழு வழங்கியது இல்லை என்ற செய்தியாளர்கள் கேள்வி எழுப்பினர். வருடா, வருடம் மத்திய பேரிடர் குழுவிலிருந்து மாநில பேரிடர் குழுவிற்கு, ஒரு குறிப்பிட்ட தொகை அனுப்பப்படும்.

அதுவே தற்போது இரண்டாவது நிலுவைத் தொகையாக வந்துள்ளது. இன்னும் ஒரு பைசா கூட கஜா புயலுக்காக மத்திய அரசு வழங்கவில்லை என்று உதயகுமார் தெரிவித்தார்.

Leave a Reply

Your email address will not be published. Required fields are marked *