ஜெயலலிதாவாக நடிக்கும் நித்யா மேனனின் ஃபர்ஸ்ட் லுக் போஸ்டர் வெளியீடு!

தமிழக முன்னாள் முதல்வர் ஜெயலலிதாவின் வாழ்க்கை வரலாறு படத்தில் அவரது கதாபாத்திரத்தில் நடிகை நித்யா மேனன் நடிக்கிறார் என்று அதிகாரப்பூர்வமாக அறிவிக்கப்பட்டுள்ளது.

தமிழக முன்னாள் முதல்வா் ஜெயலலிதா சென்னை அப்போலோ மருத்துவமனையில் சிகிச்சை பெற்று வந்த நிலையில் கடந்த 2016ம் ஆண்டு டிசம்பா் 5ம் தேதி உடல்நலக் குறைவால் காலமானார். அவரது இரண்டாம் ஆண்டு நினைவு தினம் இன்று அனுசரிக்கப்படுகிறது.

நினைவு தினத்தை முன்னிட்டு முதல்வா் எடப்பாடி பழனிசாமி மற்றும் துணைமுதல்வா் ஓ.பன்னீா் செல்வம் ஆகியோர் தலைமையில் அமைதி ஊா்வலம் நடைபெற்றது. இதனைத் தொடா்ந்து மெரினா கடற்கரையில் உள்ள ஜெயலிலதாவின் நினைவிடத்தில் முதல்வா், துணைமுதல்வா், அமைச்சா்கள், தொண்டா்கள் என்று பலரும் அஞ்சலி செலுத்தினா்.

இந்த நிலையில், மறைந்த தமிழக முன்னாள் முதல்வர் ஜெயலலிதாவின் வாழ்க்கை வரலாற்றை படத்தை எடுக்கயிருப்பதாக பெண் இயக்குனர் ஏ.பிரியதர்ஷினி (A Priyadhaarshini) கூறியிருந்தார். ஆனால், ஜெயலலிதாவின் கதாபாத்திரத்தில் யாரை நடிக்க வைக்கலாம் என்று தீவிர ஆலோசனையில் ஈடுபட்டிருந்தார். இந்த நிலையில், அவரது கதாபாத்திரத்தில் நடிகை நித்யா மேனன் நடிக்கயிருப்பதாக அதிகாரப்பூர்வமாக அறிவிக்கப்பட்டுள்ளது. அதோடு, அதற்கான ஃபர்ஸ்ட் லுக் போஸ்டரும் வெளியாகியுள்ளது.

இந்த போஸ்டரில் இடம்பெற்றிருப்பது ஜெயலலிதாவா? இல்லை நித்யா மேனனா என்று கேட்கும் அளவிற்கு இந்த் போஸ்டர் அமைந்துள்ளது என்பது குறிப்பிடத்தக்கது. மேலும், இப்படத்தின் டைட்டிலும் தி ஐயன் லேடி என்று அறிவிக்கப்பட்டுள்ளது.

தமிழ், தெலுங்கு, கன்னடம் மற்றும் ஹிந்தி ஆகிய மொழிகளில் இப்படம் உருவாகவுள்ளது என்பது குறிப்பிடத்தக்கது. இது இவருக்கு 2ஆவது படம் என்பது குறிப்பிடத்தக்கது. இதற்கு முன்னதாக, வரலட்சுமி சரத்குமார் நடிப்பில் வந்த சக்தி என்ற படத்தை இயக்கியுள்ளார் என்பது குறிப்பிடத்தக்கது.

இதற்கு முன்னதாக, இயக்குனர்கள், பாரதிராஜா, விஜய், லிங்குசாமி ஆகியோர் உள்பட பலர் ஜெயலலிதாவின் வாழ்க்கை வரலாற்றுப் படத்தை எடுக்க ஆர்வம் காட்டி வந்துள்ளனர்.

Leave a Reply

Your email address will not be published. Required fields are marked *