பாலவும் இல்லை, கவுதமும் இல்லை- ’வர்மா’ படத்தை இயக்கப்போவது இவர்தானாம்..!!

கைவிடப்பட்டதாக அறிவிக்கப்பட்டுள்ள ‘வர்மா’ படத்தை மீண்டும் இயக்கப்போவது யார் என்று எதிர்பார்க்கப்பட்டு வந்த சூழலில், அப்படத்தை கவுதம் வாசுதேவ் மேனன் இயக்கலாம் என்று தகவல் வெளியானது.

கடந்தாண்டு தெலுங்கு சினிமாவில் சக்கைபோடு போட்ட படம் அர்ஜுன் ரெட்டி. விஜய் தேவரகொண்டா நடித்திருந்த இந்தப் படத்தை இயக்குனர் பாலா தமிழில் ரீமேக் செய்தார். வர்மா என்ற பெயரில் உருவான இப்படத்தில், சியான் விக்ரமின் மகன் துருவ் ஹீரோவாகவும், வங்காள நடிகை மேகா ஹீரோயினாகவும் நடித்திருந்தனர். இந்த நிலையில், வரும் காதலர் தினத்தை முன்னிட்டு திரைக்கு வரும் என்று ஏற்கனவே அறிவிக்கப்பட்டது.

எனினும், அப்போது கார்த்தியின் தேவ், ஜிவி பிரகாஷின் 100% காதல் ஆகிய படங்கள் திரைக்கு வருவதால், இப்படத்தின் வெளியீடு தள்ளிவைக்கப்பட்டது. இந்த நிலையில், படம் கைவிடப்பட்டுள்ளதாக இப்படத்தை தயாரித்த இ4 எண்டர்டெயின்மெண்ட் நிறுவனம் அறிவித்தது.

காரணம் படத்தின் காட்சிகள் திருப்தியாக இல்லையாம். ஆகையால் ‘வர்மா’ படத்தை மறுபடியும் இயக்க முடிவு செய்துள்ளார் தயாரிப்பாளர். இந்த புதிய ’வர்மா’ படத்தை கௌதம் மேனன் இயக்குவார் என்ற செய்தி சமீபத்தில் வெளியானது.

ஆனால் அவரும் இல்லை என்பது தற்போது தெரியவந்துள்ளது. அதன்படி, ‘அர்ஜுன் ரெட்டி’ படத்தை தெலுங்கில் இயக்கிய சந்தீப் வங்கா வைத்து தமிழில் ‘வர்மா’ படத்தையும் இயக்க முடிவு செய்துள்ளார் படத்தின் தயாரிப்பாளர். ஆனால், சந்தீப் வங்கா ‘அர்ஜுன் ரெட்டி’ இந்தி ரீமேக்கான ‘கபீர் சிங்’ படத்தில் பிஸியாக இருப்பதால், அவரது உதவி இயக்குனர் கிரிஷையா வைத்து ‘வர்மா’ படத்தை இயக்க வைக்கவுள்ளதாக தயாரிப்பாளரிடம் தெரிவித்துள்ளார். விரைவில் இதுதொடர்பான அறிவிப்பு வெளிவரும் என எதிர்பார்க்கப்படுகிறது.

Leave a Reply

Your email address will not be published. Required fields are marked *