Thu. Jul 18th, 2019

Tamil News

Latest Tamil News , Tamil Cinema updates, Political Tamil News, Tamil Actress HD stills, Tamil Cinema First look, Trailors, Teasers and Shooting spot updates

#BREAKING | 5 எம்.எல்.ஏ.க்கள் தகுதி நீக்கம்? சபாநாயகர் தீவிர ஆலோசனை

1 min read

டிடிவி தினகரன் தலைமையிலான அமமுகவுக்கு ஆதரவாக உள்ள 3 எம்.எல்.ஏ.க்கள் மற்றும் அரசுக்கு எதிராக உள்ள 2 எம்.எல்.ஏ.க்கள் மீது நடவடிக்கை எடுக்க சபாநாயகர் தனபால், அரசு கொறடா ராஜேந்திரன் மற்றும் சட்டத்துறை அமைச்சர் சி.வி சண்முகம் உடன் ஆலோசனை நடத்தி வருவதாக தகவல்கள் வெளியாகியுள்ளது.

அதிமுக எம்.எல்.ஏ.க்களான கலைச்செல்வன், ரத்தினசபாபதி மற்றும் பிரபு ஆகிய மூவரும் டிடிவி தினகரனின் ஆதரவாளர்களாக உள்ளனர்.அதிமுக சின்னத்தில் போட்டியிட்டு வென்ற கருணாஸ் மற்றும் தமிமுன் அன்சாரி ஆகியோர் தற்போது, அதிமுகவிற்கு எதிரான நிலைப்பாட்டில் உள்ளனர்.

இதனால், 5 பேரிடமும் விளக்கம் கேட்க சபாநாயகர் தனபால் முடிவு செய்துள்ளார். இதற்காக, அரசு கொறடா ராஜேந்திரன் மற்றும் சட்டத்துறை அமைச்சர் சி.வி சண்முகம் ஆகியோர் உடன் அவர் ஆலோசனை நடத்தினார்.

5 பேர் அளிக்கும் விளக்கத்தை அடுத்து, அடுத்த கட்ட நடவடிக்கை எடுக்கப்பட வாய்ப்பு இருக்கிறது.

எடப்பாடி பழனிசாமி தலைமைக்கு எதிர்ப்பு தெரிவித்து ஆளுநரிடம் புகார் கடிதம் அளித்த டிடிவி தினகரன் ஆதரவு எம்.எல்.ஏ.க்கள் 18 பேர் தகுதி நீக்கம் செய்யப்பட்டது குறிப்பிடத்தக்கது.

தமிழகத்தில் காலியாக இருந்த 23 சட்டமன்ற தொகுதிகளில் 19 தொகுதிகளுக்கு இடைத்தேர்தல் நடந்துள்ளது. மீதமுள்ள 4 தொகுதிகளுக்கு மே 19-ம் தேதி தேர்தல் நடக்க உள்ளது.இதன் முடிவுகள் மே 23-ம் தேதி அறிவிக்கப்பட உள்ளன.

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.